स्वतन्त्रबाट धरानका तीनजना सिफारिस

मेयर साम्पाङ समूहबाट भोलि प्रदेश र संघको उम्मेदवार घोषणा हुने, स्वतन्त्रको खोल ओढेर अन्य स्वतन्त्र आएको खुलासा (भिडियोसहित)


  • हाम्रो कोशी आवाज डटकम
  • २०७९ असोज १

धरानः धरानमा आगामी मङ्सिर ४ गते हुने संघ र प्रदेशसभाको चुनावका लागि स्वतन्त्रबाट तीनजना उठाउने निर्णय भएको छ ।
शुक्रबार बसेको स्वतन्त्र नागरिक समाजको बैठकले धरानका तीनजना प्रदेश र संघको चुनावका लागि उठाउने निर्णय भएको जनाइएको छ । विशेषतः धरान उपमहानगरपालिकाका मेयर हर्कराज राई साम्पाङ नेतृत्वको समूहबाट तीनजना उठाउने निर्णय भएको हो ।
संघीय सांसदमा तर्क मगर, प्रदेश सांसदका लागि प्रदेश सभा क मा समिर तामाङ, प्रदेश सभा ख मा हेमचन्द्र राईको नाम सिफारिस भएको जनाइएको छ । भोलि (आइतबार) उम्मेदवारी घोषणा कार्यक्रम आयोजना गरिएको सिफारिसमा परेका उम्मेदवार तामाङले जानकारी दिए ।
धरान–१६ स्थित गणेशमान चोकमा बृहत उम्मेदवारी घोषणासभा राखिएको र त्यहाँ आफूहरुले गर्नसक्ने मात्रै एजेन्डा लिएर आउने उनले जानकारी दिए । ‘हामी ढाँट्दैनौं, भोलि हामी गर्न सक्नेमात्रै एजेन्डा लिएर उम्मेदवारी घोषणा गर्दछौं, उनले भने ।
संघीय सांसदमा सिफारिस परेका तर्कले धरानमा स्वतन्त्रको खोल ओढेर अन्य स्वतन्त्र आएको तर्क गरेका छन् । उनले आफूहरु नै असली स्वतन्त्र भएको बताए । ‘यहाँ विभिन्न पार्टीहरुले परिचालित गरेको स्वतन्त्र नामक नेताहरु आइरहेको छ, खबरदारी त्यस्तालाई जनताले चिन्नुहोस् ।’

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP