मिस टीन ग्रीनको ताज सिम्फोनीलाई


  • हाम्रो कोशी आवाज डटकम
  • २०७९ भदौ २९

धरानः सिम्फोनी सिवाकोटीले मिस टीन ग्रीन २०२२ र आस्था कलौनीले मिस टीन प्रिन्सेस् २०२२ को ताज हात जितेका छन् । अनुजा मिडियाद्वारा मंगलबार काठमाडौंमा आयोजित एक कार्यक्रममा सिवाकोटी मिस टीन ग्रीन २०२२ र कलौनी मिस टीन प्रिन्सेस् २०२२ को ताज हात हात पार्न सफल भएका हुन् ।
साथै मिस टिन स्टारको ताज रास्ता महर्जन र मिस ब्यूटी विथ पर्पोस स्यारोन बज्राचार्यले जितेकी छन् । कार्यक्रममा मिस पब्लिक चोइसको ताज प्रमिला छेत्रीले जितिन भने मिस राइजिङ स्टारको ताज मलिका श्रेष्ठ जित्न सफल भइन् ।
कार्यक्रममा प्रमुख निर्णायकको रुपमा शिक्षाविद् तथा समाजसेवी रमेशकुमार सिलवाल तथा अन्य निर्णायकहरुमा समाजसेवी कमलकेशरी तुलाधर, व्यवसायी जिज्ञासा अर्याल, व्यूटिसियन रुश्का श्रेष्ठ, होटल व्यवसायी विष्णुबहादुर कार्की र मोडेल निशा राईको सहभागिता रहेको थियो ।
ब्रीज इन्टरनेशनल एडुकेसनल कन्सल्टेन्सीको मुख्य प्रायोजन रहेको उक्त कार्यक्रमका प्रमुख अतिथि शिक्षाविद् डा. राजेन्द्र केसीले यस्ता कार्यक्रमहरुले किशोरीहरुको प्रतिभा प्रस्फुटनमा सहयोग गर्ने विश्वास व्यक्त गरे ।
अनुजा मिडियाले विगत ३ वर्षदेखि किशोरीहरुको प्रतिभा प्रस्फुटन तथा व्यक्तित्व विकासको लागि काम गरिरहेको संस्थापक अनुजा अचार्यले बताइन् ।
प्रतियोगिताको कोरियोग्राफी जयन सुब्बा मानन्धरले गरेकी थिइन भने कार्यक्रमको संचालन रोजिन शाक्यले गरेका थिए ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP