जसले धरान रंगशालाको झाडी फाँडे

कवर्डहल मर्मत गरे, राष्ट्रिय प्रतियोगिताका लागि प्रदेश १ का खेलाडी धरानमा छानिँदै


  • हाम्रो कोशी आवाज डटकम
  • २०७९ भदौ २७

धरानः यही असोज २८ गतेदेखि पोखरामा हुन लागेको ९ औ राष्ट्रिय खेलकुद प्रतियोगिताका लागि प्रदेश १ का खेलाडी छनौट प्रतियोगितास्थल धरान रंगशाला कवर्डहल मर्मत सम्भार शुरु भएको छ ।
प्रदेश १ खेलकुद बोर्ड, धरान-१६ र १८ नं वडा कार्यालयको सहयोगमा मर्मत सम्भार शुरु भएको हो । कवर्डहलको केही थान छानो उज्यालोको लागि ट्रान्सपरेन्ट लगाइने, चेन्जिङ रुम, बाथरुम र हलको झ्याल मर्मत गरिनेछ साथै फ्लोर रंगाइने भएको छ । हलमा बढी टिनको मात्र प्रयोग भएको कारण ज्यादा गर्मी हुने भएकोले हलको दायाँबायाँको माथिल्लो भागमा केही भाग खोलिने सुनसरी खेलुकुद विकास समितिका अध्यक्ष दीपक राईले जानकारी दिए ।
धरानमा मात्र ६ खेलको प्रदेश १ खेलाडी छनौट प्रतियोगिता हुँदैछ, त्यसमध्ये बास्केटवल महिला पुरुष, कराँते र जुडो खेल धरान-१६ मा रहेको धरान रंगशाला परिसरमा रहेको कवर्डहलमा हुँदैछ । बाँकी खेल बक्सिङ, बुद्धिचाल र साइक्लिङ धरानको अन्य खेल स्थलमा हुनेछ ।
प्रदेश १ खेलकुद बोर्ड सदस्य सचिव हंसराज वाग्ले, सदस्य रोशनी राई, सुनसरी खेलकुद विकास समिति अध्यक्ष दीपक राई, १६ न. वडाध्यक्ष मुरारी भट्टराई र १८ न. वडाध्यक्ष प्रविण राई, कराँते संघ सुनसरी अध्यक्ष कुवेर राई, बक्सिङ संघ सुनसरी अध्यक्ष विकास गुभाजु, प्रदेश १ बास्केटबल प्रशिक्षक विकाश चाम्लिङ राईलगायतले धरान रंगशाला कवर्डहलको अवलोकन गरेका थिए ।
यसैबीच लायन्स क्लब अफ हेल्पिङ ह्याण्ड धरानले कवर्डहल परिसरमा सहरसफाइको काम गरेका छन् । क्लबले सुनसरी बास्केटवल संघ, धरान बास्केटबल संघ र जुडो संघ सुनसरीसँग सहकार्य गरेर सरसफाइ कार्य गरेका हुन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP