धरानको बगरकोटमा महिला तथा पुरुष भलिबल

दमक र भोजपुर बिजेता, पाए एक लाख (१४ तस्वीरसहित)


  • लक्ष्मण थापा
  • २०७९ असार ६

धरानः धरानमा सातौं बाँझगरा खुल्ला पुरुष महिला तथा प्रदेश १ अन्तर जिल्लास्तरीय भेट्रान भलिबल प्रतियोगिता २०७९ सम्पन्न भएको छ ।
बाँझोगरा युवा क्लब धरान–१५ को आयोजनामा भएको प्रतियोगितामा महिलातर्फ झापा दमक नगरपालिका बिजेता बनेको छ भने पुरुषतर्फ भोजपुर षडानन्द नगरपालिका बिजेता बनेको छ ।
महिलातर्फबाट दमक नगरपालिकाले अन्तिम स्कोर २५ अंक ल्याएको थियो भने उपविजेता इटहरी क्लबले १४ स्कोर प्राप्त गरेको थियोे । पुरुषतर्फमा भोजपुर षडानन्द नगरपालिकाले २५ स्कोर अंक प्राप्त बिजेता बनेको थियो । फाइनल खेल षडानन्द र धरान–१७ को उदय स्पोर्टिङ क्लबबीच खेल भएको थियो भने महिलातर्फ दमक नगरपालिका र इटहरी क्लबबीच भएको थियो ।
असार २, ३ र ४ गते भलिबल कप आयोजना भएको क्लबका अध्यक्ष कर्ण केदेमले जानकारी दिए । प्रतियोगिता धरान–१५ स्थित बगरकोटमा भएको थियो । खुल्ला पुरुष भलिबल प्रतियोगितामा प्रथम पुरस्कार १ लाख १ हजार, मेडल, प्रमाणपत्र र ट्रफी, दोस्रो पुरस्कार ६१ हजार, मेडल, प्रमाणपत्र र ट्रफी पाउनेछन् भने खुल्ला महिला भलिबलतर्फ प्रथम पुरस्कार ३० हजार र दोस्रो पुरस्कार २० हजार, मेडल, ट्रफी र प्रमाणपत्र पाएका थिए भने अन्तर जिल्लास्तरीय भेट्रान भलिबलतर्फ प्रथम पुरस्कार ५१ हजार र दोस्रो पुरस्कार ३१ हजार मेडल, ट्रफी र प्रमाणपत्र प्राप्त गरेको छ ।
भलिबल प्रतियोगिताभरी व्यक्तिगत विधातर्फ वेस्ट डिफेन्स, वेस्ट सटर, वेस्ट ब्लकर, वेस्ट सर्भर, वेस्ट स्पाइकर र सर्वोत्कृष्ट खेलाडी छनोट गरी नगद पुरस्कारसहित मेडल, प्रमाणपत्र प्रदान गरिएको थियो । तस्वीरहरुः लक्ष्मण 

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP