धरानको सर्दु जलाधार क्षेत्रमा वृक्षारोपण

जनताको ‘सपोर्ट’, मेयर हर्क साम्पाङ र उपमेयर अइन्द्रविक्रम बेघाले भने– पानीको स्रोत बढाउन अब रोप्नेमात्रै होइन संरक्षण गर्नतिर लाग्छौं (३७ तस्वीर र भिडियोसहित)


  • हाम्रो कोशी आवाज
  • २०७९ जेठ २८

धरानः धरानस्थित सर्दु जलाधार क्षेत्रमा वृक्षारोपण गरिएको छ ।
मेयर हर्कराज राई (साम्पाङ), उपमेयर अइन्द्रविक्रम बेघा, धरान उपमहानगरपालिकाका प्रशासकीय अधिकृत लक्ष्मीप्रसाद पौडेललगायत धराने जनता, विभिन्न संघसंस्थाका प्रतिनिधि सम्मिलित टोलीले विभिन्न जातका विरुवा रोपण गरेका थिए । यसअघि धराने जनतालाई मेयर साम्पाङले सर्दु जलाधार क्षेत्रमा पानीको स्रोत बढाउन वृक्षारोपणका लागि आह्वान गरेका थिए ।
वृक्षारोपण कार्यक्रममा धराने जनता, रोटरी क्लब, धरान जेसिजलगायतका विभिन्न संघसंस्थाको सहभागिता थियो । यसैबीच मेयर साम्पाङले आफ्नो स्व. बुबाको नाममा वृक्षारोपण गरेका छन् ।
जलाधार संरक्षणमा विशेष जोड
मेयर साम्पाङले जलाधार क्षेत्रलाई विशेष संरक्षण गरिने बताएका छन् । उनले जलाधार क्षेत्रको सीमाङ्कन गर्न चुनौती रहेको र सीमाङ्कन गर्न लागिने बताए । जलाधार क्षेत्रमा पूर्ण रोक लगाइने उनले बताए । ‘जलाधारलाई बचाउन यसमा पूर्णरुपमा रोक लगाउनुपर्छ, यसबारेमा छलफल भइरहेको छ ।’ उनले भने ।
विरुवा रोप्दा दिवङ्गत हुनुभएका परिवारलाई सम्झिएर रोप्ने अभियान चलाइने बताए । ‘हामीले हाम्रा परिवार गुमाएका छौं, उहाँहरुलाई सम्झिएर वृक्षारोपण गरौं, त्यो फलदायी हुन्छ ।’
उनले पानीको स्रोत बढाउन विरुवा रोप्ने कार्यक्रम फलदायी हुने बताए । उनले अब रोप्नेमात्रै होइन संरक्षण गर्नतिर उपमहानगरपालिकाको ध्यान जाने बताए । विरुवा हुर्किएको, नहुर्किएको अवलोकनका लागि हेर्न आफू पनि आइरहने उनले बताए ।
उपमेयर अइन्द्रविक्रम बेघाले विरुवा रोपिसकेपछि संरक्षण हुनुपर्ने खालका कार्यक्रम ल्याइने बताए । ‘रोपिसकेपछि संरक्षण गर्ने खालका कार्यक्रम ल्याउन उपमहानगरपालिका लाग्छ ।’
सामुदायिक वन महासंघ, विष्णुपादुका पाँचकन्याका अध्यक्ष सम्फर तामाङले विरुवा रोपिसकेपछि संरक्षणको दायित्व उपमहानगरपालिकाले नै लिए फलदायी हुने बताए ।
तस्वीरहरुः हाम्रो कोशी आवाज

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP