धरानमा १०५ जनाको निःशुल्क मुटु, मधुमेह, रक्तचाप परीक्षण


  • हाम्रो कोशी आवाज
  • २०७९ जेठ २२

धरानः परिवर्तनका लागि सामाजिक अभियानले सामाजिक स्वास्थ क्लिनिकको १७ औं संस्करण सिद्धिनेवा ः परिषद् , धरान–७ को सहकार्यमा सम्पन्न गरेको छ ।
वरिष्ठ मुटुरोग विशेषज्ञ डा. प्रशान्त शाहद्वारा परिक्षण गरिएको क्लिनिकमा विशेषगरी मुटु, मधुमेह, रक्तचापको परीक्षण गरिएको थियो । धरान र धरान बाहिरका ७० वर्षभन्दा माथिका जेष्ठ नागरिकहरुको लागि आयोजना गरिएको सो निःशुल्क क्लिनिकमा १०५ जना बिरामीको स्वास्थ्य परीक्षण गरिएको थियो ।
हालसम्मको निःशुल्क स्वास्थ्य क्लिनिक क्लिनिकमा परीक्षण गरिएको बिरामीहरुको संख्यामध्ये यसपटक सबैभन्दा धेरै बिरामीहरुको जाच गरिएको समाजका अध्यक्ष विष्णु बरालले बताए । ‘यो सामाजिक स्वास्थ्य क्लिनिक सुरुवात देखि ९ औं संस्करणसम्म धरान मोडल कलेजमा आयोजना गरेका थियौं, सोकार्यक्रम वडा (वडामा आयोजना गर्ने लक्ष्य अनुरुप वडा नं १८ २, १, १३, ३, २, १२ र ८ हुँदै १७ औं संस्करण धरान–७ सिद्धि नेवाः परिषद्सगँको सहकार्यमा सम्पन्न गरेका हौं, यस पटक सबैभन्दा धेरै बिरामी परीक्षण गरेका छौं । उनले भने ।
त्रिभुवन बरालको संयोजकत्वमा आयोजित सो कार्यक्रममा अभियानका अभियानकर्मी मोहन श्रेष्ठ, वर्षा अग्रवाल, जेनिश शाक्य, विजय श्रेष्ठ, हेम ढकाल, निशान नेपाल साथै सिद्धि नेवा ः परिषद्का अध्यक्ष गोकुलप्रसाद श्रेष्ठ र कार्यसमिति सदस्य सरोज श्रेष्ठ लगायत उपस्थिति रहेको थियो । त्यसैगरी बीपी कोइराला स्वास्थ प्रतिष्ठानकी स्टाफ नर्स निर्मला बाँस्तोलाले रक्तचाप परीक्षण तथा अन्य सहयोग गरेकी थिइन् ।
निशाल नेपालले सञ्चालन गरेको औपचारिक समापन कार्यक्रममा सिद्धि नेवा ः परिषद्का अध्यक्ष श्रेष्ठले अभियानसँग सहकार्य गर्न अवसर पाएको आभार व्यक्त गरे साथै धरानलाई माया गरी यस अभियानलाई सफल पार्ने अनवरत रुपमा लाग्दै आएका डा. प्रशान्तलाई पनि धन्यवाद दिएका थिए ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप

SKIP