धनकुटामा एकाबिहानै टिपर दुर्घटना

दुईजनाको मृत्यु, टिपरले किचेको अवस्थामा चालक र सहचालकको शव फेला


  • हाम्रो कोशी आवाज डटकम
  • २०७८ पुष ३०

धनकुटाः धनकुटाको धनकुटा नगरपालिका–२ नागढुंगामा शुक्रबार बिहान टिपर दुर्घटना हुँदा दुईजनाको ज्यान गएको छ ।
उनीहरुको शव टिपरले किचेको अवस्थामा भेटिएको धनकुटाका डिएसपी सुरज कार्कीले जानकारी दिए । टिपर चालक प्युठानको माण्डवी गाउँपालिका–१ का २७ वर्षीय भुवन ठेडी मगर र परिचालक दाङको बबइ गाउँपालिका–३ का २१ वर्षीय नवीन विश्वकर्माको घटनास्थलमै मृत्यु भएको उनले जानकारी दिए ।
धनकुटाबाट बसन्तपुरतर्फ जाँदै गरेको बाग्मती प्रदेश, ०३–००१ क ०५४९ नम्बरको टिपर शुक्रबार ५ बजे अनियन्त्रित भई सडकबाट करिब २५ मिटर तल खसेको थियो । टिपरले किचेको अवस्थामा शव फेला परेको र उनीहरुको निकाल्ने तयारी भइरहेको प्रहरीले जनाएको छ । दुर्घटनाको विषयमा थप अनुसन्धान भइरहेको प्रहरीले जानकारी दिएको छ ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप