भक्का दिवस भव्य

एक हजार भन्दा बढीले खाए भक्का


  • मोहनलाल ताजपुरिया
  • २०७८ पुष २९

मोरङः मोरङको रतुवामाई नगरपालिका ३ स्थित मिलनचोक कमातीमा बिहीबार सामूहिक भक्का दिवस मनाइएको छ ।
ताजपुरिया समाज कल्याण परिषद् रतुवामाई नगर समितिको आयोजनामा सो कार्यक्रम सम्पन्न भएको हो । बिहानैदेखि भक्का र चिया खान स्थानीय विभिन्न समुदायका मानिसहरुको घुइँचो लागेका थिए भन्ने ताजपुरिया समुदायका एक दर्जनभन्दा बढी महिलाहरुले भक्का बन्नाएका थिए ।
आदिवासी ताजपुरिया समुदायको नातागोता, छरछिमेक, परिवार मिलेर वर्षको कम्तीमा एकपटक घरमै भक्का खाने परम्परा रही आएको छ । पछिल्लो समयमा एकल परिवार, समयको ब्यस्तता, वैदेशिक रोजगार आदिका कारणले सामूहिक भक्का खाने र हरेक पुस २९ गते राष्ट्रिय भक्का दिवसको रुपमा मनाउन शुरु गरिएको हो । कार्यक्रममा करिब एकहजार बढीले भक्का र चिया खाएको थिए । कार्यक्रम भव्य र सभ्यरुपमा सम्पन्न भएको थियो । वर्षेनी जाडो मौसम सुरु भए सँगसँगै भक्काको व्यापार पनि सुरु हुनेगर्छ । विशेषगरी तराईका जिल्लामा यसको व्यापार हुन्छ । चामलको पिठोबाट बनेको यो परिकार चिसो मौसममा सबैको रोजाईमा पर्न थालेपछि अहिले प्रायः ठाउँमा भक्का खानेहरुको घुईँचो देखिन्छ ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप