धरानको बीपी प्रतिष्ठानमा १२ देखि १८ वर्षसम्मका बालबालिका र किशोरीले खोप लगाउन पाउने


  • हाम्रो कोशी आवाज डटकम
  • २०७८ मंसिर ५

धरानः दीर्घ रोग नभएका १२ देखि १८ वर्षमुनिका बालबालिकाले पनि कोभिडविरुद्धको फाइजर खोप लगाउन पाउने भएका छन् ।
आइतबारदेखि १२ देखि १८ वर्ष मुनिका बालबालिकालाई फाइजर खोप दिइने स्वास्थ मन्त्रालयका सहप्रवक्ता डाक्टर समिर अधिकारीले जानकारी दिए ।
उनकाअनुसार खोपका लागि उमेर खुल्ने परिचय पत्र अनिवार्य गरिएको छ । जन्मदर्ता वा परिचय खुल्ने सरकारी कागजात लिएर तोकिएको अस्पतालमा गए १२ देखि १८ वर्षमुनिका बालबालिकाले खोप पाउने छन् । फाइजर खोपका लागि सरकारले यसअघि तोकेको २४ वटा अस्पतालमा जानुपर्ने हुन्छ । हिजोसम्म यो खोप १२ वर्षदेखि १८ वर्ष मुनिका दीर्घ रोगीलाई मात्रै दिइँदै आएको थियो । दीर्घ रोग भएकाहरुलाई दिएर खोप बाँकी रहेकाले अन्यलाई पनि यो खोप दिन लागिएको हो ।
कोभ्याक्स सुविधा अन्तर्गत अमेरिकाबाट नेपालले प्राप्त गरेको एक लाख ६ सय २० डोज खोप गएको कात्तिक २८ गतेदेखि दीर्घ रोग भएकालाई लगाउन थालिएको थियो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप