धरानमा खसी कप, चिण्डेडाँडालाई उपाधि


  • हाम्रो कोशी आवाज डटकम
  • २०७८ असोज २८

धरानः धरानमा तेस्रो खसी कप आयोजना भएको छ ।
धरान–२० सिरिसे खेल मैदानमा आयोजित प्रतियोगितामा चिन्डेडाँडा फुटबल क्लबले खसी कपको उपाधि उचालेको छ । विष्णु सांस्कृतिक युवा क्लब धरानको आयोजनामा प्रतियोगिता भएको हो ।
चिण्डेडाँडा फुटबल क्लब र भञ्ज्याङ फुटबल क्लब धरान–२० बीच भएको प्रतिस्पर्धामा दुई दुई गोल बराबरी गरेपछि ट्राइब्रेकरको सहायता लिइएको थियो । ट्राइब्रेकरमा ८–७ गोल अन्तरले चिन्डेडाँडाले उपाधि जितेको हो ।
उपाधिसँगै चिन्डेडाँडाले ५० हजार नगद, ट्रफी, मेडल, प्रमाणपत्र पाएको छ भने उपविजेता टिम भञ्ज्याङले ३० हजार नगद, ट्रफी, मेडल, प्रमाणपत्र पाएको थियो । प्रतियोगितामा धरानसहित धनकुटा साँगुरीगढी, बराहक्षेत्र, विष्णुपादुका, धरान–१७ पटनालीलगायत २३ टिमले सहभागिता जनाएको क्लबका अध्यक्ष विजय लामाले जानकारी दिए ।
धरान उपमहानगरपालिका मेयर तिलक राई, उपमेयर मञ्जु भण्डारी सुवेदी, धरान–२० वडाध्यक्ष मणिराम राई, माओवादी केन्द्रका नेता मुक्सामहाङ मेन्याङ्बोलगायतले विजेता र उपविजेता टिमलाई पुरस्कार, प्रमाणपत्रलगायत वितरण गरेका थिए ।

 

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप