साफ च्याम्पियनसीपः भारत बाधक

अब नेपालले माल्दिभ्सलाई हराए, बंगलादेशसँग बराबरी खेलेपनि फाइनलमा


  • हाम्रो कोशी आवाज डटकम
  • २०७८ असोज २५

धरानः साफ च्याम्पियनसीपको फाइनल प्रवेशको संघारमा पुगेको नेपालको यात्रामा आइतबार भारत बाधक बनेको छ ।
लिग चरणको आफ्नो तेस्रो खेलमा नेपालले भारतसँग ०–१ ले पराजित भएपछि फाइनल प्रवेशका लागि अन्तिम खेल कै नतिजा पर्खनुपर्ने भएको छ ।
आइतबार राति माल्दिभ्सको राष्ट्रिय रंगशालामा भएको खेलमा नेपाललाई भारतले १–० गोलले पराजित गरेको छ । पहिलो हाफ गोलरहित बराबरीमा सकिएको खेलको ८२ मिनेटमा भारतले अग्रता लिएको थियो । भारतका लागि कप्तान सुनील क्षेत्रीले गोल गरेका थिए । उनले सिक्स यार्ड बक्समा फारूख चौधरीले हेडमार्फत दिएको पास गोल गरेका थिए । त्यसअघि नेपालका कप्तान किरणकुमार लिम्बूले भारतका मनवीर सिंहको हेडरलाई उत्कृष्ट बचाउ गर्दै नेपालको संकट टारेका थिए ।
नेपालको भने यो पहिलो हार हो । यसअघि नेपालले सुरुवाती दुई खेलमा जित हात पारेको थियो । नेपालले पहिलो खेलमा आयोजक माल्दिभ्स र दोस्रो खेलमा श्रीलंकालाई हराएको थियो । साफको अंक तालिकामा माल्दिभ्स ६ अंक जोड्दै शीर्ष स्थानमा छ । दोस्रो स्थानको नेपालको पनि ६ अंक नै छ । भारत ५ अंक जोडेर तेस्रो स्थानमा छ । चौथो स्थानको बंगलादेशको ४ अंक छ । १ अंक जोडेर पाँचौ स्थानमा रहेको श्रीलंका भने बाहिरिसकेको छ ।

अब समूह चरणको अन्तिम दिनको खेलमा नेपाल र बंगलादेश तथा भारत र माल्दिभ्सबीच खेल हुँदैछ । नेपालले फाइनलमा स्थान बनाउन कम्तिमा बराबरी खेल्नु पर्नेछ ।
खेलमा भारतले नेपाललाई शुरुवातबाटै दबाबमा राखेको थियो । पहिलो हाफ गोलरहित बराबरीमा सकिएतापनि खेलको अन्तिम १० मिनट नेपाल सम्हालिन सकेन । भारतका लागि ८२ औं मिनटमा कप्तान सुनिल क्षेत्रीले बक्स भित्रबाट सटिक भली गोल गर्दै टोलीलाई कठिन र महत्वपूर्ण जित दिलाएका थिए । तीन खेलहरुको समाप्ती पश्चात बंगलादेशको पनि ४ अंक छ भने नेपाल र माल्दिभ्सको ६–६ अंक छ । अन्तिम खेलमा नेपाललाई फाइनल प्रवेश गर्न निश्चित जितको खाँचो पर्नेछ । अर्को खेलमा भारतले माल्दिभ्सलाई हराए नेपालले बंगलादेशसँग बराबरी खेलेपनि फाइनलमा प्रवेश गर्नेछ । प्रतियोगितामा नेपाल, भारत, बंगलादेश र माल्दिभ्स चारै टोलीको फाइनल प्रवेशको सम्भावना कायम छ ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप