गोठगाउँमा ओभरटेकले ज्यान गयो

ट्रकसँग मोटरसाइकल ठक्कर खाँदा चालक महेन्द्र थापाको मृत्यु


  • हाम्रो कोशी आवाज
  • २०७७ चैत २५

धरानः मोरङको सुन्दरहरैंचा नगरपालिका-७ गोठगाउँमा भएको दुर्घटनामा एकजनाको मृत्यु भएको छ ।
उपचारको क्रममा मङ्गलबार साँझ उनको मृत्यु भएको हो । पूर्व-पश्चिम लोकमार्गअन्तर्गत दिउँसो १ बजे पश्चिमतर्फ जाँदै गरेको ना४ख ७३२३ नम्बरको ट्रकलाई प्रदेश १-०२-०४३प ३७९५ नम्बरको मोटरसाइकलले ओभरटेक गर्ने क्रममा ट्रकसँग ठक्कर खाई दुर्घटना हुँदा मोटरसाइकल चालकको मृत्यु भएको हो ।
सुन्दरहरैंचा–१२ का ३५ वर्षीय महेन्द्र थापा गम्भीर घाइते भएका थिए । उनको उपचारको क्रममा नोवेल अस्पताल विराटनगरमा मृत्यु भएको इलाका प्रहरी कार्यालय बेलबारीले जनाएको छ । ट्रक र ट्रक चालक मकवानपुर हेटौंडा ७ बस्ने ३२ वर्षीय निलकुमार तामाङ नियन्त्रणमा लिएको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक महेन्द्रकुमार श्रेष्ठले जानकारी दिए ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप