मेयर कपमा धरान उपमहानगरपालिका प्रथम


  • हाम्रो कोशी आवाज
  • २०७७ चैत १६

धरानः तेस्रो कटारी नगर मेयर कप आमन्त्रित तेक्वान्दो प्रतियोगितामा धरान उपमहानगरपालिका प्रथम भएको छन् ।
चैत्र ६ देखि ७ गते सम्म सञ्चालन भएको मेयर कप तेक्वान्दो प्रतियोगितामा धरान उपमहानगरपालिकाले ६ गोल्ड र एक वटा ब्राउन्स मेडल जित्दै प्रथम भएको हो ।
धरान उपमहानगरका तेक्वान्दो प्रशिक्षक सुरज कार्कीका अनुसार प्रतियोगितामा प्रदीप लिम्बू (५४ केजी), रोहित राई (४९ केजी), साजन राई (४२ केजी), क्षितिजा गुरुङ (४३ केजी), यमुना राई (४६ केजी) र कृष्टिना राई (४२ केजी) ले गोल्ड मेडल जित्न सफल भएका थिए । साथै ५८ केजीका यमन विष्टले ब्राउन्स मेडल जित्न सफल भए ।
यसभन्दा अघि प्रदेश नं. १ ओपन तेक्वान्दो च्याम्पियनसीप प्रतियोगितामा पनि धरान उपमहानगरपालिका प्रथम भएको थियो । इटहरीमा आयोजित प्रतियोगितामा धरान उपमहानगरपालिकाका तेक्वादो खेलाडीहरुले १४ वटा गोल्ड, ७ वटा शिल्भर र ४ वटा ब्राउन्स मेडल प्राप्त गर्दै प्रथम भएका थिए ।
आइतबार प्रशिक्षक सुरज कार्कीले कटारी नगर मेयर कपमा धरान उपमहानगरपालिका प्रथम भएको जानकारी गराउँदै मेयर तिलक राईलाई शिल्ड र प्रमाणपत्र हस्तान्तरण गरेका छन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप