सेनिटाइजर पिएपछि…

मोरङमा एकैदिन दुईजनाको मृत्यु


  • हाम्रो कोशी आवाज
  • २०७७ फागुन १७

धरानः मदिरा भनेर सेनिटाइजर खाएपछि मोरङमा एकैदिन दुईजनाको मृत्यु भएको छ ।
मृत्यु हुनेमा झापाको शिवसताक्षी नगरपालिका–४ घर भई विराटनगर महानगरपालिका–१७ रघुपति लाइन क्वार्टरमा बस्दै आएकी ६५ वर्षीय अम्विका गिरी र मोरङको जहदा गाउँपालिका–४ का ६० वर्षीय दिनेश मण्डल रहेका छन् ।
प्रहरी प्रमुख एसपी सन्तोष खड्काका अनुसार गिरीले मदिरा भनेर र मण्डलले पारिवारिक विवादपछि सेनिटाइजर सेवन गरेको जानकारी दिए ।
मदिराको नशामा रहेकी गिरीले शनिबार राति ११ बजेतिर बोतलमा रहेको आधा लिटरजति सेनिटाइजर एकैपटकमा पिएको जानकारी उनका श्रीमान छविलाल गिरीले प्रहरीलाई दिएका छन् । दुवैजनालाई उपचारका लागि शनिबार राति कोशी अस्पताल लगिएपनि उनीहरुको उपचारकै क्रममा मृत्यु भएको हो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप