बराहक्षेत्रमा च्यालेन्ज कप, आयोजक रातो सेमिफाइनलमा


  • दीपक पुरी
  • २०७७ फागुन १०

बराहक्षेत्रः आयोजक रातोले एपिएफ पूर्वाञ्चललाई टाइब्रेकरमा ४ विरुद्ध ५ गोलले पराजित गर्दै बराहक्षेत्रको भरौलमा जारी दोस्रो न्यू जेनेरेसन च्यालेन्ज (सेभेन साइज) फुटबल प्रतियोगिताको सेमिफाइनलमा प्रवेश गरेको छ ।
सोमबार प्रतियोगिताको तेस्रो खेलअन्तर्गत एपिएफविरुद्ध आयोजक न्यू जेनेरेशन क्लब रातोले टाइब्रेकरमा नतिजा आफ्नो पक्षमा पारेको थियो ।
स्थानीय बराहक्षेत्र–३ को महेन्द्र माध्यमिक विद्यालयको खेलमैदानमा भएको खेलमा निर्धारित समय दुवै टिमले १–१ गोल गर्दै खेल बराबरीमा पुगेको थियो । पहिलो हाफमा एपिएफले अग्रता लिएको थियो । जर्सी १० रञ्जन मगरले खेलको १९ औं मिनेटमा गोल गरेका थिए । ए डिभिजन खेलाडीसमेत समावेश गरेको आयोजक रातोलाई पहिलो हाफसम्म एपिएफले अग्रता लिएको थियो ।
खेलको दोेस्रो हापको ८ औं मिनेटमा आयोजक रातोका टिम क्याप्टेन निशान लिम्बूको पासलाई जर्सी नं. ११ का विवेक राईले सदुपयोग गर्दै आफ्नो टिमलाई बराबरी खेलमा फर्काउन सफल भएका थिए । निकै रोमाञ्चक खेलमा थप कुनै गोल नहुँदा खेलको नतिजाको लागि टाइब्रेकरको सहारा लिइएको थियो । टाइब्रेकरमा एपिएफ पूर्वाञ्चलका तर्फबाट ४ गोल गरे भने आयोजक रातो ५ गोल गर्दै सेमिफाइनलको यात्रा तय गरेको छ ।
खेल भर उत्कृष्ट प्रदर्शन गरेको भन्दै आयोजक रातोका जर्सी नम्बर ३ का अशोक खवास म्यान अफ द म्याच घोषित भएका थिए । उनले नगद ११ सय र ट्रफी प्राप्त गरे । भोलि मङ्गलबार ग्रिन कल्चरल क्लब चक्रघट्टी र शान्ति नगर फुटबल इटहरीका बीच हुने क्लबका अध्यक्ष अजित राजधामीले बताए ।
१५ गतेसम्म सञ्चालन हुने प्रतियोगिताको प्रथम पुरस्कार नगद ५१ हजार १ सय ११ रुपैयाँ, दोस्रो पुरस्कार ३१ हजार १ सय ११ रुपैयाँसहित ट्रफी प्रमाणपत्र र विद्याहरुमा पुरस्कर समेत रहेको क्लबका अध्यक्ष राजधामीले बताए । तस्वीरःदीपक पुरी

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप