धरानमा नालीमा भेटियो पेस्तोल र ५ राउण्ड गोली

कसैले लुकाएको हुनसक्छः प्रहरी


  • हाम्रो कोशी आवाज
  • २०७७ मंसिर १९

धरानः धरानमा प्रहरीले अटोमेटिक पेस्तोल र गोली फेला पारेको छ ।
पोको पारेको अवस्थामा बाटोको नालीमा पेस्तोल र गोली फेला परेको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए । धरान–१३ खानेपानी संस्थानको कार्यालय छेऊ मदन–आश्रित मार्गको नालीमा पोको पारिएको अवस्थामा पेस्तोल फेला परेको उनले जानकारी दिए । ‘शंकास्पद वस्तुजस्तो लागेपछि स्थानीयबासीले खबर गरेका थिए, हाम्रो टोली त्यहाँ पुग्दा पेस्तोल र ५ राउण्ड गोली र एकथान म्यागेजिन भेटिएको छ ।’
डिएसपी बस्नेतका अनुसार पेस्तोल कागजभित्र बेरिएको थियो र कागजलाई कपडाले बेरिएको थियो । पोकाभित्र पेस्तोल र गोली अलग्गै थिए । पेस्तोलमा थोरै खिया पनि लागेको छ ।
उनले कसले लुकाएको हुनसक्ने बताए । ‘खासमा त्यो फालिएको त पक्कै होइन, कसैले लुकाएको हुनसक्छ’, उनले भने, ‘अनुसन्धान भइरहेको छ ।’ पेस्तोलमा मेडइन युएसए लेखिए छ ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप