धरानमा बालबालिकाले आफैं रोजेर लिए दशैंका लुगा


  • हाम्रो कोशी आवाज
  • २०७७ कार्तिक ६

धरानः दशैं विशेषतः बालबालिकाका लागि रमाइलो चाड हो । दशैंमा नयाँ लुगा लगाउन पाउँदा, मीठो मसिना खान पाउँदा बालबालिका त्यसै फुरुङ्ग बन्छन् ।
यसै क्रममा धरान–३ मा रहेको सरस्वती बाल आश्रमका बालबालिकाले दशैंका एकसरो लुगा रोजीरोजी किनेका छन् । आफैं पसल पुगेर रोजीरोजी लुगा लिएका हुन् ।
अमेरिकामा बस्ने राधा पुरी र छोरा समिर पुरीले पठाइएको ४२ हजार रूपैयाँले आश्रममा रहेका २८ बालबालिकाले लुगा लगाउन पाएका हुन् । ‘अमेरिकामा बस्ने पुरी परिवारले आश्रमका बालबालिकालाई दशैंमा एकसरो लुगा लगाइदिनु भनेर पठाउनुभएको रहेछ, त्यही रकमले प्रत्येक दिन एक, दुई जना गर्दै आश्रमका बालबालिका बजारमा लगेर लुगा किनिदियौं’, आश्रमका पूर्व सहसचिव समेत रहेका अनिल मास्केले भने ।
अधिकांश कपडा पसलेले सहुलियत दरमा कपडा उपलब्ध गराएको सचिव मनिष खड्गीले जानकारी दिए । ‘आश्रममा आश्रित बालबालिका भनेपछि अधिकांश पसलेले पनि सहुलित गरिदिनुभएको छ, उहाँहरूलाई विशेष धन्यवाद ।’ उनले भने ।
सदस्य विकास वनेपालीले आश्रममा २८ जना बालबालिका रहेको र उनीहरू दाताकै भरमा आश्रित रहेको बताए । ‘खानेकुरा, लत्ताकपडा, पठनपाठन आदिमा दाताकै भर छ’, उनले भने । आश्रममा विशेषतः अनाथ बालबालिका आश्रित छन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप