प्रहरी दिवस २०७७ सम्पन्न


  • हाम्रो कोशी आवाज
  • २०७७ कार्तिक १

विराटनगरः ६५ औ प्रहरी दिवस २०७७ भव्यताका साथ सम्पन्न भएको छ ।
१ नम्बर प्रदेश प्रहरी कार्यालय विराटनगर तथा मातहत प्रहरी कार्यालयहरुले अमर प्रहरीहरुलाई श्रद्धाञ्जली दिनुका साथै विविध कार्यक्रमहरुको आयोजना गरी ‘६५ औं प्रहरी दिवश २०७७’ मनाएको हो ।
प्रहरी दिवसको अवसरमा दीपावली, रक्तदान, सार्वजनिक स्थल सरसफाइ, लगायतका कार्यक्रमहरुको आयोजना गरिएको थियो । १ नम्बर प्रदेश प्रहरी कार्यालयमा आयोजित विशेष कार्यक्रममा कार्यक्रमका प्रमुख अतिथि १ नम्बर प्रदेशका मुख्यमन्त्री शेरधन राई , आन्तरिक मामिला तथा कानुनमन्त्री हिक्मत कार्की, प्रदेश प्रहरी प्रमुख प्रहरी नायव महानिरीक्षक ईश्वर बाबु कार्की लगायतका उपस्थित महानुभावहरुले १ नम्बर प्रदेश प्रहरी कार्यालयमा अवस्थित अमर प्रहरी स्मारकमा पुष्पहार तथा शोक सलामी अर्पण गर्दै सम्पन्न भएको हो ।
कार्यक्रममा प्रमुख अतिथी १ नम्बर प्रदेशका मुख्यमन्त्री शेरधन राईज्युले जिल्लामा शान्ति सुरक्षा अमनचयन कायम राख्न नेपाल प्रहरीसँग सहकार्य गरी समुदाय प्रहरी साझेदारी कार्यक्रममा सहयोग पुरयाउने हुने मोरङ बेलबारी–३ बस्ने सीता सुवेदी र ९४ वर्ष जेष्ठ पुर्व प्रहरी कर्मचारी पुर्व प्रहरी जवान आगमबहादुर लिम्बुलाई प्रशंसा पत्रले सम्मान गरे ।
कर्तब्यपालनाको शिलशिलामा गत वर्ष यस प्रदेश अन्तरगतमा वीरगती प्राप्त गर्नु हुने अमर प्रहरी, प्रहरी सहायक निरीक्षक रवि मगर, अमर प्रहरी, प्रहरी सहायक निरीक्षक बाल कुमार राई, अमर प्रहरी, प्रहरी हवल्दार केशर दोर्जे थिङ, अमर प्रहरी, प्रहरी हवल्दार देवीप्रसाद भट्टराई,अमर प्रहरी, प्रहरी हवल्दार नबिन बस्नेत, अमर प्रहरी, प्रहरी जवान वीरबहादुर अधिकारी, अमर प्रहरी, प्रहरी जवान सुजन रेग्मी र अमर प्रहरी, प्रहरी जवान सुशिलचन तबदारका परिवारहरुलाई मुख्यमन्त्री राईले नगद तथा कदर पत्रद्वारा सम्मान गरेका थिए ।
त्यसै गरी देशभरमा कार्यरत प्रहरी कर्मचारीहरु मध्येबाट व्यवस्थापकीयतर्फ उत्कृष्ट कार्य गर्ने ईलाका प्रहरी कार्यालय पथरीमा कार्यरत प्रहरी नायव उपरीक्षक(दिलिप कुमार गिरी, ट्राफिक व्यवस्थापनमा उत्कृष्ट कार्य गर्ने जिल्ला ट्राफिक प्रहरी कार्यालय मोरङमा कार्यरत प्रहरी निरीक्षक राकेशकुमार पोदार, उत्कृष्ठ अपराध अनुसन्धानतर्फ जिल्ला प्रहरी कार्यालय सुनसरीमा कार्यरत प्रहरी निरक्षक सरोज खनाल, कोभिड १९तर्फ जोखिमपुर्ण कार्य गर्ने प्रहरी चौकी मानेभञ्ज्याङमा कार्यरत प्रहरी जवान सुधा चौधरीलाई मुख्यमन्त्रीज्युबाटै पुरस्कार प्रदान गरिएको थियो ।
पुरस्कार वितरण पश्चात कार्यक्रमलाई सम्बोधन गर्दै मुख्यमन्त्री शेरधन राईले ६५ औं प्रहरी दिवसको अवसरमा सम्पूर्ण प्रहरी कर्मचारीहरुलाई शुभकामना दिँदै अहोरात्र खटिने नेपाल प्रहरीका कर्मचारीहरुले उच्च मनोवलकासाथ काम गरी जनताको विश्वास जित्न सफल हुनेमा आफू विश्वस्त रहेको बताए । साथै देश र जनताको सेवा र सुरक्षार्थ आफ्नो कर्तव्य पालनाको सिलसिलामा वीरगती प्राप्त गर्ने वीर अमर प्रहरीहरु प्रति भावपूर्ण श्रद्धाञ्जली अर्पण गरिएको थियो ।
प्रहरी संगठनले जनता र राष्ट्रको हितमा निरन्तर अविचलित ढंगबाट क्रियाशिल हुदै प्रहरीको छविलाई कायम राख्दै मुलुकको साझा राष्ट्र आकांक्षाको प्रगतिमा एउटा महत्वपूर्ण भुमिका निर्वाह गरिरहेको सन्दर्भमा नेपाल प्रहरी संगठनलाइ बधाई तथा शुभकामना समेत दिएका थिए । कार्यक्रमका विशिष्ट अतिथी १ नम्बर प्रदेशका माननीय आन्तरिक मामिला तथा कानून मन्त्री हिक्मत कार्कीले उत्कृष्ट अंक ल्याउने पुर्व प्रहरी नायब उपरीक्षक देवीप्रसाद बरालको छोरा आयुस बराल, पुर्व प्रहरी हवल्दार सूर्यबहादुर बस्नेतको छोरी रेजिना बस्नते यसै गरी बहालवाला प्रहरी नायब उपरीक्षक कविन्द्रकुमार कार्कीको छोरी आर्या राजश्री कार्की, प्रहरी नरीक्षक हेमकुमार खड्काको छोरा सारभिक खड्का, प्रहरी नायव निरीक्षक राजेन्द्र शर्माको छोरी एलिना शर्मा, प्रहरी सहायक निरीक्षक कुलबहादुर बुढाथोकीको छोरी रेश्मा बुढाथोकी, प्रहरी सहायक निरीक्षक मुना बिष्टको छोरा भिजन प्रताप खत्री, प्रहरी हवल्दार शिव प्रसाद निरौलाको छोरा सुजल निरौला, प्रहरी हवल्दार राजन भट्टराईको छोरा उत्सव भट्टराई र प्रहरी हवल्दार नवराज खवासको छोरी रेश्मा खवासलाई छात्रवृत्ति स्वरुप प्रतिव्यक्ति दश हजारका दरले पुरस्कृत गरे ।
यसैगरी प्रहरी दिवसकै अवसरमा १ नम्बर प्रदेश प्रहरी कार्यालय तथा मातहत प्रहरी कार्यालयमा कार्यरत प्रहरी कर्मचारीहरु मध्ये विविध क्षेत्रहरुमा उत्कृष्ट कार्यसम्पादन गर्ने प्रहरी नायब उपरीक्षक कविन्द्रकुमार कार्की, प्रहरी निरीक्षक ढुण्डिराज गिरी, प्रहरी निरीक्षक होम अधिकारी, प्रहरी निरीक्षक तेज बहादुर दाहाल, प्रहरी निरीक्षक बबिन्द्र नेम्बाङ ,प्रहरी नायब निरीक्षक भोजनारायण श्रेष्ठ, प्रहरी नायब निरीक्षक मानदेव भगत, प्रहरी सहायक निरिक्षक हेम कुमार बस्नेत, प्रहरी सहायक निरिक्षक भुवन श्रेष्ठ, प्रहरी सहायक निरीक्षक कृष्णकुमार कटुवाल, प्रहरी हवल्दार राजकुमार कार्की, प्रहरी जवान बिशाल कार्की, प्रहरी जवान शिरोमणी सिग्देल, प्रहरी जवान रक्षा राई, प्रहरी जवान युवराज खतिवडा, प्रहरी जवान गिसन राई र प्रहरी कार्यालय सहयोगी दिव्यराज पोखरेललाइ आन्तरिक मामिला तथा कानून मन्त्री हिक्मत कार्कीज्युबाटै पुरस्कार प्रदान गरिएको थियो ।
पुरस्कार बितरण पश्चात कार्यक्रममा मन्तव्य राख्नु हुँदै आन्तरिक मामिला तथा कानून मन्त्री हिक्मत कार्कीले वीर अमर प्रहरी प्रति भावपूर्ण श्रद्धाञ्जली अर्पण गर्नु भएको थियो । वँहाले ६५ औं प्रहरी दिवस सम्म आईपुग्दा नेपाल प्रहरी जनताको विश्वासिलो सहयोगी र साथी बनि सकेको बताउँदै यसलाई अझ प्रभावकारी रुपमा अगाडी बढाउदै लैजानु पर्नेमा जोड दिएका थिए । साथै सरकारको एकमात्र कानुन कार्यान्वयन गर्ने औपचारिक पोशाकको जिम्मेवारी पाएर नेपाल प्रहरीले हाल सम्म गर्दै आएका काम कारबाहीको प्रशंसा गर्दै प्रहरी अधिकृत तथा जवानहरुलाई धन्यबाद समेत दिएका थिए । प्रहरी दिवशकै अवसरमा १ नम्बर प्रदेश प्रहरी श्रीमती संघकी अध्यक्ष श्री श्रृजना थापा कार्कीले अमर प्रहरी परिवारजनहरुलाई दोशल्ला ओढाएर सम्मान गरिएको थियो ।
कार्यक्रममा प्रहरी नायव महानिरीक्षक ईश्वरबाबु कार्कीले प्रमुख अतिथी लगायत उपस्थित सम्पूर्ण महानुभावहरुमा धन्यवाद तथा शुभकामना ज्ञापन गर्नुहुँदै आफ्नो जिम्मेवारी निर्वाह गर्ने क्रममा प्राण उत्सर्ग गर्ने बहादुर र कर्तव्यपरायण नेपाल प्रहरीका अमर तथा वीर सपूतहरुको सम्झना गर्दै भावपूर्ण श्रद्धाञ्जली अर्पण गर्नु भएको थियो । उनले कर्तव्यपालन जिम्मेवारी निर्वाहको शिलसिलामा घाइते भएका प्रहरी कर्मचारीहरुको शिघ्र स्वास्थ्य लाभको कामना गर्दै अग्रज तथा अमर प्रहरीको त्याग र बलिदानले दिएको जिम्मेवारीलाई पूरा गर्नु पर्ने दायित्व आजको दिनमा हाम्रो काँधमा रहेको बताए ।
त्यसैगरी पूर्व प्रहरीहरुबाट भएको सहयोगको प्रशंसा गर्दै आगामी दिनहरुमा शान्ति सुरक्षा तथा सामाजिक बिकृति बिसंगतीलाई न्युनिकरण गर्न पुर्व प्रहरीहरुसंग सम्बन्ध थप प्रगाढ बनाउँदै लैजाने पनि बताए । कार्यक्रममा प्रदेश सरकारका प्रमुख सचिव, अन्य सचिवज्युहरु, अन्य सुरक्षा निकायका प्रमुख तथा प्रतिनिधीहरु, सरकारी कार्यालयका प्रमुख तथा प्रतिनिधीहरु, स्थानीय समाजसेवी, अमर प्रहरी परिवारजनहरु, पूर्व प्रहरीहरु, सामुदायिक सेवा केन्द्रका पदाधिकारीहरु, पत्रकारहरु, मानवअधिकारकर्मी लगायत विभिन्न कार्यालयका प्रहरी कर्मचारीहरुको उपस्थिती रहेको थियो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप