धरानको बीपीमा अर्की संक्रमित महिलाले जन्माइन् स्वस्थ बच्चा


  • हाम्रो कोशी आवाज
  • २०७७ असोज १६

धरानः धरानस्थित बीपी कोइराला स्वास्थ्य प्रतिष्ठानमा अर्की कोभिड संक्रमित महिलाले स्वस्थ बच्चालाई जन्म दिएकी छिन् ।
आमा र बच्चा दुवैको स्वास्थ्य अवस्था सामान्य रहेको प्रतिष्ठानका डा. मनोजकुमार शाहले जानकारी दिए । शिशुको तौल २.३ किलोग्राम रहेको उनले बताए ।
२९ वर्षीया ती महिलाको घर झापाको बिर्तामोड हो । गर्भवती महिलाको अप्रेशनमार्फत् डेलिभरी भएको उनले जानकारी दिए । उनले छोरीको जन्म दिएकी हुन् । उनको बिहीबार बिहान ११ः२० बजे अप्रेशनमार्फत् डेलिभरि गरिएको हो ।
उनलाई असोज १२ गते संक्रमण पुष्टि भएको थियो । प्रतिष्ठानमा उनलाई १४ गते भर्ना गरिएको थियो । डा. मनोजकुमार साह, डा.अस्मिता पाठक, एनेस्थेसियाका विभागका डा.जगदप्रसाद, डा.सहज पौडेल र नर्स गोमाको टिमले डेलिभरी गराएको हो ।
प्रतिष्ठानको कोभिड अस्पतालमा यसअघि २० वर्षीय युवतीको नर्मल डेलिभरीमार्फत् बच्चाको जन्म दिएकी थिइन् । ती युवती विराटनगर महानगरपालिका २ की रहेकी हुन् । त्यतिबेला बच्चाको तौल २.८ किलो ग्राम रहेको थियो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप