धराने इक्साको ‘ज्यानै हाजिर भो’


  • हाम्रो कोशी आवाज
  • २०७७ असोज ९

धरानः धरानबाट मोडलिङ यात्रा शुरू गरेकी इक्सा मादेन अभिनित म्युजिक भिडियो सार्वजनिक भएको छ ।
मुन्धुमी गायक ब्रबिन शेमा ‘चेसुङ’ र गायिका सीता सिङ्घकको ‘ज्यानै हाजिर भो’ गीतको म्युजिक भिडियो सार्वजनिक गरिएको हो । मदन पुरस्कार बिजेता कवि राजन मुकारुङको शब्द र सङ्गीत रहेको गीतको भिडियो ओरिजिन नेपाल नामक युट्युब च्यानलबाट सार्वजनिक गरिएको छ ।
मनदेखि लगाएको माया कति अमर हुन्छ भन्ने आशय बोकेको भिडियोमा विगतका दिनहरूलाई सम्झी प्रदेश गएको प्रेमी आउने बाटो हेर्दाहेर्दा वर्षौं बितेको तर माया कहिले नघटेको कुरा देख्न सकिन्छ । भिडियोमा प्रेमको परिभाषा के हो भन्ने देखाउन खोजिएको छ । भिडियोलाई पाँचथरको लब्रेकुटी आसपासका क्षेत्रमा भुपेन्द्र तुम्वाहाङ्फेले छायाङ्कन गरेका हुन् । मोडल इक्सा मादेन, पुष्पा लिम्बू र गायक शेर्माको मुख्य भूमिका रहेको गीति भिडियोको निर्देशन किरण चाम्लिङ राईले गरेका हुन् ।
गीतको शब्द संगीतले पनि लिम्बू सांस्कृतिक मौलिकता प्रस्तुत गरेको छ । इक्सा मिस पूर्वाञ्चलकी फस्ट रनरअप तथा मिस ग्रान्ड नेपालकी पनि फस्टरनरअप हुन् । उनी आरजे र उदघोषक पनि हुन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप