एउटा बेन्चमा दुईजना राखेर सरकारी स्कुलमा पठनपाठन थालियो


  • रामहरि श्रेष्ठ
  • २०७७ असोज ६

ओखलढुंगाः कोरोना कहरका कारण लामो समय थलिएका ओखलढुंगाको सामुदायिक विद्यालयहरु सञ्चालनमा आउन थालेका छन् ।
जिल्लाको लिखु गाउँपालिका ८ टारकेराबारीमा रहेको जालपा माध्यमिक विद्यालय सोमबारबाट सञ्चालनमा आएको छ । लामो समयदेखि विद्यालय बन्द हुँदा विद्यार्थीहरुको पठनपान प्रभावित बनेको भन्दै जनस्वास्थ्य सुरक्षाको मापदण्ड अपनाएर विद्यालय सञ्चाल गरिएको विद्यालयका शिक्षक दीपक घिमिरेले जानकारी दिए ।
जालपा माध्यमिक विद्यालयले दुई सिफ्टमा विद्यार्थी–विद्यार्थीबीच भौतिक दुरी कायम गराएर पठनपाठन थालिएको हो । एउटा बेन्चमा दुई जना बिद्यार्थी राखेर उनीहरु बिचमा करिब २ मिटरको दुरी कायम गराई माक्स अनिवार्य गराईएको शिक्षक घिमिरेले जानकारी दिए । पहिलो सिफ्टमा कक्षा ६ देखी १० सम्मर दोस्रो सिफ्टमा नर्सरी देखी कक्षा पाँच सम्म सम्चालन गरिएको छ ।
कोरोना संक्रमणको जोखिमका कारण लामो बिद्यालय बन्द हुदाँ सबैभन्दा बढी यसको मारमा विद्यार्थीहरु परेको भन्दै अब कोरोनसँग सावधानी अपनाएर विद्यालय सञ्चालन गर्नुको विकल्प नभएको घिमिरेको भनाई छ । जिल्लाका अन्य केही स्थानिय तहहरुले पनि क्रमशः विद्यालय सञ्चालन गर्ने नीति लिएका छन ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप