धरानमा बालदिवसमा वक्तृत्वकला, शिवगंगा बाल समूहकी मेनुका दर्जी प्रथम


  • हाम्रो कोशी आवाज
  • २०७७ भदौ २९

धरानः धरान उपमहानगरपालिका १५ नं. वडा समितिको आयोजनामा अन्तर बाल समूहस्तरीय वक्तृत्वकला प्रतियोगिता सम्पन्न भएको छ ।
१५ नं. वडा बाल सञ्जालको संयोजकत्वमा सम्पन्न प्रतियोगिता २९ औं राष्ट्रिय बाल दिवसको अवसरमा आयोजना गरिएको हो । प्रतियोगितामा प्रथम शिवगंगा बाल क्लबका मेनुका दर्जी, द्वितीय हिविसकस बाल समूहका अनुप झा, तृतीय नवज्योती बाल क्लबका प्रल्हाद भट्टराई र सान्त्वना निराजन बाल क्लवका विवेक विक भएका थिए । उनीहरुलाई धरान उपमहानगरपालिका १५ नं. वडा कार्यालय वडाध्यक्ष तथा प्रमुख अतिथि नरेश इवारामले पुरस्कार वितरण गरे ।

आजका प्रतिभावान, चरित्रवान र मेघावी बालबालिकाहरु मात्र भोलिका असल र ठूला मानिस बन्न सक्ने भएकाले हामी सबैले बालबालिकाको क्षेत्रमा लगानी गर्नुपर्ने वडाध्यक्ष नरेश इवारामले बताए ।
वडा बाल सञ्जालका अध्यक्ष विनोद रायमाझीको अध्यक्षतामा सम्पन्न प्रतियोगितामा विजयीहरुलाई धरान–१५ नं.वडाका सदस्यहरु ज्ञानेन्द्र कार्की, रामकाजी राई र जानुका कार्कीले प्रमाणपत्र र नगद पुरस्कार प्रदान गरेका थिए ।
प्रत्येक वर्ष भाद्र २९ गते मनाइने बाल दिवसको नारा यस वर्षको लागि ‘विपद्मा बाल अधिकारको सुनिश्चितताः हामी सबैको साझा प्रतिबद्धता’ भन्ने नारा रहेको छ । वक्तृत्वकला प्रतियोगिताको विषय ‘बाल दिवसमा बालबालिकाको भूमिका’ भन्ने रहेको थियो । प्रतियोगिताको निर्णायक धरान सिटी कलेजका प्राध्यापक डीवी श्रेष्ठ रहेका थिए ।
बाल अधिकार महासन्धी १९८९ लाई १४ सेप्टेम्बर लाई नेपालले १९९० मा अनुमोदन गररेको थियो । त्यसैले हरेको वर्ष भर्दै २९ गते नेपालमा राष्ट्रिय बाल दिवस मनाउने गरिएको वडाकी सामाजिक परिचालकले दीपिका कार्कीले बताइन् ।
फोटोः मोहन श्रेष्ठ

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप