जसले धरानमा पाइन् अढाइ लाखको स्कुटी


  • हाम्रो कोशी आवाज
  • बुधबार, साउन १४, २०७७

धरानः रेडमुन इन्टरटेन्मेन्टको आयोजनामा गत वर्षको मंसिरमा सम्पन्न प्रदेश नं १ स्तरीय गायन प्रतियोगिता स्टेट १ सिङगिङ आइडल २०७६ का विजेताहरूलाई ढिलै भएपनि बुधबार पुरस्कार वितरण गरिएको छ ।
प्रतियोगिताकी बिजेता झापाकी जस्मिन बराललाई अढाइ लाखभन्दा बढी मूल्यको भेष्पा स्कुटी प्रदान गरिएको हो । स्कुटी कुमार एण्ड सन्स अटो प्रालि धरानको भेष्पा एण्ड अप्रिलिया शोरूम धरानले प्रायोजन गरेको इन्टरटेन्मेन्टका अध्यक्ष रोशन प्रधानले बताए ।
प्रतियोगिताकी दोस्रो उदयपुरकी शोभा तामाङलाई नगद ७० हजार र तेस्रो पाँचथरका समीर महतेलाई ५० हजार प्रदान गरिएको प्रधानले बताए । यस्तै, उत्कृष्ट सहभागिताको एवार्ड बराहक्षेत्रका गोमा कुलुङलाई पुरस्कारवापत १५ हजार प्रदान गरिएको छ । गोमाको लागी सबसारा रिसोर्ट भेडेटारले नगद प्रायोजन गरेको हो ।
विजेताहरूलाई वरिष्ठ गायक दीप श्रेष्ठले पुरस्कार वितरण गरेका छन् । पुरस्कार वितरण कार्यक्रममा विजेता बरालकी बुबा पुरन बराल र आमा देवी बराल, उपविजेता तामाङकी आमा विष्णुकुमारी तामाङ, समाजसेवी किरण श्रेष्ठ, सिल्भर इन्टरटेन्मेन्टका सौरभ श्रेष्ठ, सौगात रिजाल लगायतको उपस्थिति रहेको थियो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप