प्रदेश १ सरकारद्वारा बहुभाषिक पाठशालालाई शिक्षक


  • हाम्रो कोशी आवाज
  • मङ्लबार, साउन १३, २०७७

धरानः इलाम जिल्लाअन्तर्गत चुलाचुली गाउँपालिका–१ मा अवस्थित फल्गुनन्द नोमाङ्गेना सेवा संघद्वारा स्थापित र सञ्चालित बहुभाषिक पाठशालाका लागि स्वयंसेवक शिक्षक नियुक्ति गरिएको छ ।
प्रदेश १ सरकारको सहयोग साथै प्रदेश उपसभामुख सरस्वती पोख्रेलको समन्वय र सहयोगमा सो पाठशालामा स्वयसेवक शिक्षकको रुपमा चुलाचुली गाँउपालिका वडा नं. १ कमल निवासी ललिता नेम्वाङलाई नियुक्ति गरिएको हो ।
राष्ट्रिय विभुति महागुरु फल्गुनन्द र लाफयङ गुरु देवबहादुर तुम्वापोको सम्मान र स्मृतिमा स्थापित फल्गुनन्द लाफयङ बहुभाषिक पाठशाला स्थापना वि.सं. २०७२ सालमा भएको हो । बहुभाषिक, बहु धार्मिक समाजमा विद्यमान विभिन्न जातजातिका भाषा, धर्म्, संस्कार–संस्कृतिलाई जर्गेना गर्ने उद्देश्यले स्थापित सो पाठशालाको तत्कालीन संविधानसभाका सभाध्यक्ष सुवासचन्द्र नेम्वाङले उद्घाटन गरेका थिए ।
त्यसैगरी राष्ट्रपति विद्यादेवी भण्डारीको प्रमुख आतिथ्यतामा सो फल्गुनन्द लाफयङ बहुभाषिक पाठशालाको दोस्रो वार्षिकउत्सव कार्यक्रम सम्पन्न भएको थियो । फल्गुनन्द नोमाङ्गेना सेवा संघका संस्थापक अध्यक्ष डम्वरकुमार तुम्वापोले हाल राज्यले विभिन्न जाति समुदायको भाषा, संस्कार, संस्कृतिलाई संरक्षण गर्दै अघि जाने नीति लिएकाले कालान्तरमा यस्ता बहुभाषिक पाठशालाले धेरै महत्व राख्ने बताए । कार्यक्रममा संस्थाका पदाधिकारिहरुका साथै सत्यहाङ्मा सेवा संघका केन्द्रीय अध्यक्ष साथै मुन्धुमविद ज्ञानोदय लाओतीको उपस्थिती रहेको थियो ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप