एसइई नतिजाः रुजु धमाधम, काम अन्तिम चरणमा


  • हाम्रो कोशी आवाज
  • सोमवार, साउन १२, २०७७

धरानः राष्ट्रिय परीक्षा बोर्डले माध्यमिक शिक्षा परीक्षा (एसइई) को नतिजाको काम अन्तिम चरणमा पुगेको जनाएको छ । साउन १५ भित्र प्रकाशन गर्ने तयारीमा जुटेको बोर्डले देशभरबाट सबै विवरण आइसकेको बताएको छ ।
‘प्रकाशनको तयारी अन्तिम चरणमा पुगेको छ, साताअघि नै नतिजा सार्वजनिक गर्ने गरी तयारी भइरहेको छ’, बोर्डका परीक्षा नियन्त्रक रामराज खकुरेलले भने, ‘अहिले देशभरबाट सम्पूर्ण विवरण आइसकेको छ ।’ उनले अहिले हार्डकपी र सफ्ट कपी रुजुको काम भइरहेको बताए ।
करिब ३ लाख विद्यार्थीको नम्बर इन्ट्री भइसकेको र रुजुको काम भइरहेको उनले बताए । ‘विद्यालयले जिल्ला शिक्षा समन्वय इकाइमा पठाएको नम्बर जिल्ला जिल्लाबाट इन्ट्री भइसकेको छ’, उनले भने, अब रुजुको काम मात्रै बाँकी छ । जिल्ला–जिल्लाबाट विद्यार्थीले प्राप्त गरेको नम्बर इन्ट्री भएपनि विद्यालय र जिल्ला शिक्षा समन्वय इकाईले प्रमाणीकरण गरेको हार्डकपी बोर्डमा आएपछि इन्ट्री गरेको नम्बर हार्डकपीसँग मिले र नमिलेको रुजु हुन्छ ।
‘साउन १५ भित्र सार्वजनिक गर्ने तयारी गरेका हौं, अब हेरौं रुजु चाँडो सकिए चाँडै नतिजा आउँछ ।’ उनले भने ।
देशभरबाट ४ लाख ८२ हजार ७ सय ७ जना विद्यार्थी छन् । गत ६ चैतका लागि तोकिएको एसईई कोरोना भाइरसको महामारीका कारण अन्तिम समयमा स्थगित गरिएको थियो । महामारीका कारण परीक्षा गर्न असम्भव भएपछि विद्यालयको मूल्यांकनलाई आधार मानेर नतिजा सार्वजनिक गर्न लागिएको बताइएको छ ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप