संक्रमित १६, ६४९

प्रदेश १ मा नियमित घट्दै, दुईजना मात्रै संक्रमित, धनकुटा, भोजपुरसहित ६ जिल्ला कोरोनामुक्त


  • हाम्रो कोशी आवाज
  • शुक्रबार, असार २६, २०७७

धरानः नेपालमा पछिल्लो २४ घण्टामा थप ११८ जनामा कोरोना पुष्टि भएको छ ।
शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरका प्रयोगशालामा गरिएको परीक्षणमा थप ११८ जनामा कोरोना पुष्टि भएको बताए ।
योसँगै नेपालमा कोरोनाा संक्रमितको संख्या १६ हजार ६४९ पुगेको छ । पछिल्लो २४ घण्टामा १२० जना डिस्चार्ज भएका छन् ।
६ वटा जिल्ला कोरोनामुक्त
नेपालमा ६ वटा जिल्ला कोरोनाभाइरस संक्रमितमुक्त भएका छन् । स्वास्थ्य तथा जनसंख्या मन्त्रालयका अनुसार धनकुटा, भोजपुर, सोलुखुम्बु, मनाङ मुस्ताङ र हुम्ला हुन् ।
कुन जिल्लाका कति ?
इलामका १, पाँचथरका २ जनामा कोरोना पुष्टि भएको छ ।
सिरहाका १, धनुषाका ४, महोत्तरीका ३, सर्लाहीका ६ र सिरहाका १, रसुवा, डोटी र सर्लाहीका १–१ जनामा कोरोना भेटिएको छ । यस्तै, काठमाडौंका १, चितवनमा १ जना, बाँके, महोत्तरी, रोमछाप, सिन्धुली र सिन्धुपाल्चोकका १–१, काठमाडौंका १५, ललितपुरका १३, रौतहटका र काभ्रेपलाञ्चोकका २–२ जनामा कोरोना पुष्टि भएको मन्त्रालयले जनाएको छ ।
यस्तै, काठमाडौंका १२, सर्लाही, इलाम, रुपन्देही, मकवानपुर, धादिङ र कैलालीका १–१, पाल्पाका २ जनामा कोरोना पाइएको छ । यस्तै, बागलुङका २ र तनहुँका ८, गोरखाका १ र नवलपरासीका २, गुल्मीका ६ र पाल्पाका २ जनामा कोरोना भेटिएको छ ।
सुर्खेतका ७, बाजुराका १ र दैलेखका २, डोल्पा र सल्यानका १ र सुर्खेतका ४ जनामा कोरोना पुष्टि भएको मन्त्रालयले जनाएको छ । मन्त्रालयले कोरोनाको आशंकामा गत २४ घण्टामा ४ हजार ८ सय ६ जनाको पिसिआर परीक्षण गरेको छ । मुलुकभर हाल ८ हजार ६ सय ३ जना अस्पतालको आइसोलेसनमा र २३ हजार ९ सय १० जना क्वारेन्टाइनमा रहेका छन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप