मेस्सीले गरिसके ७०० गोल


  • हाम्रो कोशी आवाज
  • बुधबार, असार १७, २०७७

धरानः लियोनल मेस्सीले ७०० गोल गरेका छन् ।
उनले खेल जीवनमा ७०० औं गोल गरेका हुन् । स्पेनिस ला लिगा फुटबल अन्तर्गत मंगलबार राति भएको खेलमा मेस्सीले पेनाल्टीमार्फत् गरेको गोल उनको व्यवसायिक खेल जीवनको ७०० औं गोल बन्यो । मेस्सीले बार्सिलोनाका लागि ७२४ खेलमा ६३० गोल गरेका छन् । बाँकी ७० गोल उनले अर्जेन्टिनाका लागि गरेका हुन् । ५० औं मिनेटमा मेस्सीले पेनाल्टीमार्फत् गोल गरेर व्यक्तिगत रुपमा सात सयौं गोलको आँकडा पूरा गरेपछि एथ्लेटिको मड्रिडसँगको खेलमा बार्सिलोना २–२ को बराबरीमा रोकियो ।
एथ्लेटिकोका डिएगो कोस्टाले ११ औं मिनेटमा आत्मघाती गोल गरी बार्सिलोनालाई अग्रता दिलाएका थिए । तर एथ्लेटिकोका लागि १९ र ६२ औँ मिनेटमा पाएको पेनाल्टीमा साउलले गोल गरी खेलमा बराबरी गरेका हुन् । बराबरीपछि दोस्रो स्थानको बार्सिलोनाको ३३ खेलबाट ७० तथा तेस्रो स्थानको एथ्लेटिकोको ५९ अंक भएको छ । उनी मेस्सी विश्वमा सात सय गोलको आँकडा पूरा गर्ने सात मध्ये एक खेलाडी बनेका छन् । यो सूचीमा चेक–अस्ट्रियन जोसेफ बिक्यान ८०५ गोलसहित शीर्ष स्थानमा छन् । यस्तै ब्राजिलका रोमारिओले ७७२ तथा पेलेले ७६७ गोल गरेका छन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप