धरानको सब्जीमण्डी छिर्ने ठाउँमा टायलको बाटो


  • हाम्रो कोशी आवाज

धरानः धरान भानुचोकस्थित लोकतान्त्रिक चौतारीदेखि सब्जीमण्डी छिर्ने अनि मुख्य बजार निस्किने ठाउँसम्म टायल बिछ्याएर बाटो निर्माण गरिएको छ । स्थानीयको २० प्रतिशत र धरान उपमहानगरपालिकाको ८० प्रतिशत लागतमा सो सडक बनेको हो । सडक बन्नुअघि सार्वजनिक बस ओहोरदोहोर गर्दथे । त्यहाँ विशेषतः विराटनगरबाट आइपुग्ने सार्वजनिक सवारी, ट्याक्सी रोकिने गर्दथे ।
सार्वजनिक बस, ट्याक्सीको लर्को लागेपछि बाटो हिँड्ने बटुवालाई समेत हिँडडुलमा अप्ठ्यारो पारेको थियो । अहिले सडक बनेपछि सार्वजनिक बस, ट्याक्सीको लागि स्थान छुट्टिएको छ । अब सार्वजनिक बस, ट्याक्सी सडक पूर्व रहेको खाली जग्गामा रोकिनेछन् । अर्को कुरा कालोपत्रे गर्नुभन्दा वातावरणमैत्री, सस्तो, टिकाउ र आकर्षक साथै चिटिक्क पनि देखिएको छ । अहिले धरानमै पनि टायल बिछ्याउने र टायलको प्रयोग बढ्दो छ ।
बेग्लै छ सो ठाउँको कथा
यसअघि त्यो ठाउँमा सुविधा सम्पन्न सपिङ कम्प्लेक्स बनाउने गुरू तयार भएको थियो तर धेरै वर्षपछि यो निर्णय उल्टिएपछि यो स्थानलाई सवारी साधनको पार्किङस्थल बनाइएको थियो । धेरै वर्षअघि सो स्थानमा सपिङ कम्पलेक्स बन्छ भनेर व्यवसायीले सब्जी मण्डी र फेन्सी स्टोरका टहरा भत्काइएको थियो ।
२०५६ साल अगाडि सब्जी मण्डी र फेन्सीसपको टहराबाट वार्षिक ३ करोड रूपैयाँ बढी आम्दानी हुने स्थानीय बताउँछन । वर्षौदेखिको गुरू योजनालाई थाती राख्दा उपमहानगरपालिकाले बेफाइदा मात्र होइन करोडौंको राजस्व समेत गुमाएको थियो । सो स्थान पार्किङस्थलमा परिणत हुने भएपछि त्यो आयस्रोत समेत गुमेको छ ।
फोटोः हाम्रो कोशी आवाज

 

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप