पेटको भारी बोकेका धरानका यी बालक उपचारपछि घर फर्किए


  • हाम्रो कोशी आवाज

धरानः धरान–६ पानबारी निवासी प्रकाश मुदेलका ७ वर्षीय छोरा प्रशान्त उपचारपछि घर फर्किएका छन् ।
बीपी प्रतिष्ठानका विशेषज्ञ डाक्टर राजेश शाहको टोलीले गरेको सफल क्लोस्टोमीपश्चात् उनी घर फर्किएका हुन् । जन्मिँदै मलद्वार बन्द भएका ती बालकको धरानस्थित बीपी कोइराला स्वास्थ्य विज्ञान प्रतिष्ठानमा उपचार भएको हो । ‘क्लोसट्रोमी’ नामको रोगबाट पीडित उनको पहिलो अप्रेसन सफल भएको हो । उनको ६ महिनापछि दोस्रो ‘स्टोमा क्लोजर’ को अप्रेशन हुने चिकित्सकले बताएको बाबु प्रकाशले जानकारी दिए ।
आर्थिक अवस्था कमजोर रहेको मुदेल परिवारले छोराको उपचार गर्न सकेका थिएनन् । यसअघि उपचारका लागि समस्या परेको थियो । जेठ २८ गते अपाङ्ग पुनस्थापना केन्द्र धरानले मुदेललाई प्रतिष्ठानमा भर्ना गरिदिएको थियो । पुर्नस्थापना केन्द्रले बालकको उपचारको लागि २५ हजार रुपैयाँ सहयोग गरेको थियो ।
२५ हजार रुपैयाँमध्ये २१ हजार ५ सय रुपैयाँ बालकको उपचारमा खर्च भएको केन्द्रका निर्देशक सुनिल खड्काले बताएका छन् । अन्य औषधिलगायतको खर्च जुटाउन होप धरानको टिम दौडधुप गरेर लागेको थियो । त्यतिबेला अध्यक्ष निश्चल पलिखेको नेतृत्वको टिमले देश विदेशबाट सहयोग जुटाएर औषधिको बिल तिरिदिएको थियो । ‘करिब ८० हजार रूपैयाँ बढी रकम सहयोग भएको छ, पछि सार्वजनिक गछौंं’, पलिखेले भने ।
‘पहिलो अप्रेसन सफल भएर चिकित्सकले डिस्चार्ज गरिदिनु भएको छ, ६ महिनापछि दोस्रो चरणको उपचार हुनेछ ।’ उनले भने । मुदेल परिवार ज्यालादारीमा काम गरेर पेटपालन गर्दै आएका छन् । उनले छोरा प्रशान्तको अर्को अपरेरशनका लागि आर्थिक कठिनाइ भएकाले देश–विदेशमा रहने सबै नेपाली दाजुभाइ तथा दिदी–बहिनीहरूमा बचाइदिन उनले आग्रह गरेका छन् ।

प्रतिक्रिया

  • प्रबन्ध निर्देशकः डम्बरकुमार तुम्वापो
  • निर्देशकः राजेन्द्र गुरूङ
  • प्रधान सम्पादकः महेश श्रेष्ठ
  • सम्पादक/प्रकाशकः शेखरनाथ जोगी
  • फोटो सम्पादकः लक्ष्मण थापा
  • सल्लाहकारः हर्ष सुब्बा, गौरवमान श्रेष्ठ, भीम लिङ्थेप